1786, Katabaş, İstanbul. The fountain was commissioned by Yusuf Pasha in the 18th century. It moved twice: first from its original location to the facade of the narthex of the Molla Çelebi Mosque last century, and then from there to its current location near the Katabaş pier (1956).
Inscription
Şehenşāh-ı cihān ‘Abdü’l-ḥamīd Ḫān ibn-i Aḥmed Ḫān
Hemīşe maẓhar-ı feyż-i cenāb-ı Kibriyā’dır bu
Anıŋ ‘aṣr-ı hümāyūnunda bulmuştur cihān zīnet
Her etvārında fā’iḳtir seleften bī-riyādır bu
Ḫuṣūṣā ḳıl naẓar ḫayrātına düstūr-ı ẕī-şānıŋ
Muvaffaḳ oldu ās̱āra aŋa Ḥaḳḳ’dan ‘aṭādır bu
Maḥallinde ’aceb beẕl-i kerem ṣarf-ı himem ḳıldı
Ḫulūṣudur anıŋ bi’l-lāh tevfīḳ-i Hüdā’dır bu
Bu cem‘iyyetli ra‘nā cā-yı pākin yoġiken ābı
Bi-ḥamdi’llāh ki şimdi reşk-i rıḍvān-ı ṣafādır bu
Aḳıttı selsebīl ırmaġını gūyā ki cennetten
Ḥayāt olsun ‘ibādu’l-lāha kim ‘aynü’ş-şifādır bu
Bu semtiŋ āb ü tābın verdi Ḥaḳḳā āṣaf-ı yektā
Şerefle sāḥil-i Fındıḳlı faḫr etse revādır bu
Zülāl-āsā içiŋ ey teşnegān āb-ı muṣaffādan
Sebīl ü çeşme-i pākīze-i ṣadrü’l-‘alādır bu
Nāṣir-i salṭanat ḥāmī-i dīn ü devlet ü millet
Yūsuf Pāşā-yi pür-ṣavlet zehī medḥe sezādır bu
Vekīl-i muṭlaḳ-ı şāh-ı mu‘aẓẓamdır ṣadaḳātle
Du‘āsı vācib-i her ‘uhde-i bāy ü gedādır bu
Nice ḫayrāt-ile nām-ı şerīfin yazdı mermerde
Hüdā-yi maġfiret-sāza kemāl-i ilticādır bu
Degildir zīnet-i ṣūrī cihāna münḥaṣır belki
Li-vechi’llāh es̱erdir tūşe-i yevm-i beḳādır bu
Edip rūḥ-ı revān-ı āl-i pāke tuḥfe-i nā-çīz
Şefā‘at-cūyi-i bāb-ı Ḥabīb-i müctebādır bu
Edībā sen de yaz itmāmına tārīḫ-i zībāsın
Söz olmaz ṭarḥına a‘lā sebīl-i dil-küşādır bu
Sene 1201
